اتعبت قلبـي حيـل مـن زود حبـك
وتعبت أدور لك عن اللـي يرضيـك
صار الجفا يازين مـن جـد طبعـك
رغم ان قلبـي بالوفـا دوم حاويـك
ليتك تـروف بحـال منهـو يحبـك
وتسكن بوسط العين وبالرمش اغطيك
وتملك خيالي واسهـر الليـل جنبـك
ونسامر النجمـات يـاروح مغليـك
بوسه على عينـك وبوسـة بخـدك
واعيش سحر الهوى وسـط عينيـك
ألـم شعـرك واشبـك يـدي بيـدك
وارش عطر الشـوق كلـه حواليـك
ابعرف ان كـان لـي معـزة بقلبـك
وابي تعرف ان كل جروحي تناديـك
طال انتظاري وطال بوحك وصمتـك
لا جيتني ... ولا خليتلي فرصة اجيك
كلمة ... وابيها صدق هالحين منـك
ياتحبني ... ياتقولـي روح ماابيـك
الأحد أبريل 06, 2008 1:42 pm
(( الجووري ))
